قصة ولادتي بمحمد احمدك يارب لانك عوضتني

السلام عليكم ورحمة الله وبركاته

اخباركم F:اولا الله يرزق كل محرومه والله يعوض كل وحده افقدت جنينها وييييارب يكونون من الذرية الصالحه وذو شان في الاسلام بسم الله نبدا

بقولكم قصة ولادتي كذا عضوة تدري باني سقطت من قبل في ولدي عبدالرحمن وهو بالسادس وتوفى وانا اولد وصيحت البنات فديتهم وفديت كل اللي دعالي وكل اللي دخل ودعالي بضهر الغيب حبايبي :'( وهذا الرابط عشان تفهمون قصتي وفي نفس الوقت اتعيشون الاكشن والدراما والكوميديا معاي حبايبي :p
http://forums.3roos.com/showthread.php?p=8670982#post8670982

الحمدلله رب العالمين الله عوضني بمحمد بعد عبدالرحمن ولدي الاول اللي صحت وايد الحمدلله الحمدلله مثل اختي ماقالت هذي هدية من رب العالمين
ولادتي بمحمد اولا كنت خااااطري اني احمل مره 2 لانه قلبي متشفق ع البيبي وفي نفس الوقت لاني سقطت وشفت ولدي الاول فكان هذا حافز قوي اني ابي احمل مره 2 والله رزقني الحمدلله بمحمد سويت التست في البيت اختبار منزلي وطلعت حامل كنت مب مصدقة ارتجفففف وريلي لاتعليق وام زوجي كذالك جنه حد معطنا كففففففف:confused:
الحمدلله مرت الشهور وانا كان قلبي يفززز ع اني حامل بنت وخااااطري ببنت بس الله كتب انه احمل بولد حملتي الاولى كنت اتابع عند عيادات خاصة لكن لانه سقطت من قبل صرت اتابع عند الدكتور مؤيد الله يجزيه خير ويدخله فسيح جناته فعلا فعلا ونعم الدكتور هو بمستشفى حمد وكان يتابع حالتي اول باول وعندي حتى رقمة اذا في شي ع طول اطرش له مسج ويرد علي الحمدلله كله هذا من فضل رب العالمين عدت الاشهر ودخلت السادس وانا حاطه يدي ع قلبي من الشهرالسادس:( بس الحمدلله رب العالمين فضل من الله وفضل من الدعاوي اللي البنات واهلي ماقصروا معاي عديت السادس ودخلت السابع خاااااصة بالاسبوع 27 او 28 ع ماذكر نزلت علي افرازات وكنت قبلها رايحه مجمع لانه كنت ابي اجهز وفي نفس الوقت لاعت جبدي ابي اطلع لانه انا حالتي خاصه لااازم اريح ومافي جهد لانه رحمي بسرعه يتبطل الرحم ومن دووون طلق طلقي بااارد:thumbs_down: المهم يوم جيت البيت وانا مستاااانسه بتجهيزي وكنت بحطة حق حوامل شهر 1 بس الله ماكتب جاني تعب مب طبيعيييييي:worn_out: رفعت ريلي مع الم بسيط يبوس وهو كاااان طلق ونزل علي افراززززات من هالافرازات عرفت انه في شي لانه بحملي الاول جذي صار معاي المهم طرشت للدكتور مؤيد مسج ع طول اتصل وقالي تعالي المستشفى خل انجيك جيت والحمدلله كان موصي النيرسات انه اذا جيت ع طول يدخلوني ويفحصوني دخلوني الحمدلله وكانوا يبون يودوني للاترا ساووند سبحاااانك يارب جاااني احساس اني اخذ ويل جير الكرسي المتحرك وقلت لهم وجيه البوي ووداني تميت انطر دوري لين دخلت كان الدكتوره حبوبه وجيكت علييي الااااا^o)
الرحم فاااتح ويها تغير وحسسسسيت قلت لها بمعنى شسالفه قالت للدكتوره 2 تعالي شوفي هني قلت خلااااص اكيد في شي وقالوا لي انه مفتوح انا هني صحت صياااااح قلت للدكتور مؤيد واناااا اصييييح:'( مسكين جزاه الله خير كلم دكتور ثاني وتناقش معاه في امكانيه اني اسوي عملية ربط رحم والحمدلله لك يارب الله سهل علي الامور والحمدلله ع طول دخلوني ونيموني عندهم وخواتي جاووو والحمدلله النفسية قامت شوي شوي تهدئ امي جااات يوم امي جاااات خلااااص انا وامي دموووع وصيييااااح لييين ريلي وخواتي سكتوها والحمدلله الدكتور جيه وقالي انه كذا وكذا بيصير نزلوني بعد فترة انه لازم اكون صايمه وبس هنييي قمت ارجف ارجف لانه لابسه خفيف طبعا مال عمليات وغرفة العمليات باااارده وانا قلت لهم ابي بنج كامل لاني ماستحمل اخااف الحين في دكتورين يبون يعطوني ابرة ضهر قامووا يحاولوون لكن سبحان الله خيرة من الله ماقادين يحصلون وين يحطونها في مكانها الصحيح وثاني شي بحملي كنت دبببة وايد هههه :o المهم وهو يحاولون مسكييينه الممرضة كسرت يدها من الخوف ماسكتها واهووووس ع يدها الحين بروحهم الفلبين انتاف ومعصقلين وانا اسوي جذيه:-o مسسكينه حرمت اتساعد حد راحت عني هههه وانا خاايفه لين خلاص الحين بيحطون لي البنج طبعا خلاص خلصوا من البنج وطلعوني انا هني لحين طبعا امبنجه لمحت زوجي وامي يطلون علي بعدها سكرت عيني وعيت مره 2 وكان الدكتور موجود ابي اقوله انه ولدي لحين في بطني كنت امبنجه وماقدر اتكلم اتكلم خرابيط:lol:الدكتور يقول بمعنه ايش يافلانه وانا تتتبببمممييينم ههههه اكسر الخاطر ماقدر اتكلم المهم قام البنج شوي شوي يروح بس لمه افتح عيني ادوخ فتميت امسكره عيني واكلم النيرس وقمت اتحسسس بطنييي انه ولدي لحين موجود في بطني كنت مب مهمته بحالي اهم شي الروح اللي في بطني مايصير له شي والحمدلله الله كتب انه تنجح العملية:'(

تميت بالمستشفى قرابت اسبوع او اسبوع وكم يوم بغيت اموووت لانه في دكتوره 2 قالت بنخليج لين تولدين جاني دكتوري مؤيد وكلمني وطمني ع كل شي الحمدلله وقلت له ابي اطلع الحمدلله خلاني اطلع وارد البيت كنت اصيح وانا بالمشتسفى من الملل ابي ارجع البيت الحمدلله طلعت من المستسفى ورجعت البيت:thumbs_up: وتميت قاعده تحت لانه ممنوع اقعد مده طويلة لازم كله منبطحة وماطلع مكان ولاسلالم اللهم بس اطلع حق الالتراساوند وببببس قمت الملل بس الحمدلله الله عطاني القوة والصبر اليوووم المعهوود وكان بتاريخ 16-11تقريبا جاني الممممم وكان بطني يتيبسسس علييييي وريلي قال ليكون هذا طلق مالت علي انا ماعرفت اميز الطلق:rolleyes: المهم قمت احاول اني احسب سبحان الله سبحان الله الطلق الطبيعي رحمة من رب العالمين فعلا بتدرون ليش المهم طبعا هذا الكلام كان فلليل الفجر قمت صليت توني ابي انبطح ع السرير حسيت بشي ينزل ماااي بس مانفجر لاكان يسورب مثل كرمكم الله البول ريلي تخرررع راح ناد امه اتخيلوا الحين شكلي ههههه واقفه رافعه الجلابية والماي ينزل ام زوجي جذي:|قالت يلا طواري وانا اصيح اتصلت حق اختي خاااف من الفجر رحنا دخلوني وطبعا هاي كله والدكتور مؤيد له علم بس كان مسافر المهم رحت غرفة الولاده جو دكتورين وقالي الدكتور لااازم افتح الربط عشان مايصير التهاب وكنت ميته خوف انه بيعورني بس سبحان الله ونصيحه لكل حاااامل اول مايسون هسوالف لها اذكري الله وصلي على الرسول علية افضل الصلاة والسلام والله ثم والله انه اتحسييين انه ربج يهون عليج والحمدلله فتح الربط قالي فيج الم قلت لا خلاص ودوني فوق وتميت فوق وكانت وحده جمبي حامل ماشاء الله بتوم وكااان يصيدها ضيق تنفس فلازم يكون المكيف عالي امي نامت معاي فديتها وطبعا انا الماي لحين ينزل علي مع افرازات لدرجه اوصلت لي لون اخضررر وينزل بكثثثرة لووووووعه التهاب صار لي :badly:الحمدلله لك يارب اليوم الثاني جاني الممم طلللللق وحطوا علي الجهاز وكان في الم وكنت اتااالم بعد مدة راااح خلاصصص زوجي جية وامي كانت موجوده وتمواا يسولفون معاي بعدها ام زوجي جات :thumbs_up:المعنويه قامت ترتفع بعد الفرحه والضحك جانييييي شي غريب وهو بروووده برررد لدرجه كانت امي اتلحفني ب4ملاحف بعد ميته برد صارت لي سخونه داخليه اتصلت بدكتورتي اللي اسوي عندها التراساوند وقلت لها قالت لااازم يسون لج تحليل دم وبسررعه انا حسيت اني بولد لانه بولادتي الاولى قالوا هذي اعراض انه لازم تولدين فيها سووا لي تحليل وطبعا سبب السخونه انه المكيف كان عالي وانا امبلله من تحت والمراه ماتقدر اتسكر المكيف ماتقدر تتنفس مسكينه طلبت غرفة 2 ومسكينه المره الله يذكرها بالخير تاسفت مع انه مالها ذنبF: المهم رحت غرفة ثانيه وكانت اختي الكبيرة موجوده وزوجي استاذن بيرجع البيت في هذا الوقت جيه الاستشاري قالي كروات الدم البيضا ارتفعت لازممممم ولاده وهذا الكلام صج نسيت اقول لكم كنت 31اسبوع يعني تووووني اول اسبوع من 8 الحمدلله كان وزن ولدي كيلو و700 لانه سوو لي اتراساوند وتجيكات الالتهاب جاني من الربط المهم انكمل الدكتور قال لازم لازم الحين انزلج توووللللللدين:'(انا مت من الاصياح وكنت رافضه قال مايصير لازم بمعنه انه خطر ع حياتج كنت اصيييح من قلبي وكنت ميته خوف من الولاده لانه بولادتي الاولى تعبت من الطلق الصناعي وطبعا بيولدوني لازم طلق صناعي لانه انا طلقي بارد وطبعا قبل لايولدوني كانوا يعوني دوا اتنزل من السخونه الداخلية طبعا اتصلت حق زوجي وجيه وخواتي 2 اختي الكبيرة كانت اتشجعني واتقول يلا بتشوفين البيبي لدرجة خدامتنا مسكينه صاحت وامي خذت كرسيها وقعدت بعيد والحمدلله وكذا وكذا وانا ميته خوف نزلوني وانا اذكر الله واذكر الله نزلت بعد عطوني دوا وانا اطلب منهم ابرة الظهر قالوا لي مايصير نعطيج لانه فيج سخونه خيرة من رب العالمين :L: حطوا علي الجهاز والدوا مالت السخونه لازم اول ينزلون السخونه مني بعدين يحطون لي الطلق الصناعي فديته ولدي تاثر من السخونه وكانت نبضات قلبه مرتفعه نبضات قلب الجنين الطبيعية من 120 لين 160 ع ماعتقد هو فديته كان يوصل 190 :'(وكنت ميته خوف عليه والحمدلله فضل من رب العالمين نزلت السخونه نبضات ولدي فديته نزلت وصارت طبيعية والحين بدت المرحله الفعلية للموضوع:clock:

ولادة محمد:

حطولي الطلق تميت نص ساعه تقريبا لين جاني الالم وكان هالكلام يوم جاني الالم من الساعه 12 تقريبا اختي دخلت معاي وقامت اتذكرني بالله وانا احاااول قد ماقدر اني ماصرخ اتلم واتلم ومشكله الطلق الصناعي انه غير عن الطلق مال رحمة رب العالمين لانه الله يسلمكم الطلق الطبيعي يجيج ويفج عنج ويتم فتره ويرد ويكون ورا بعض عند النهاية لمه تبين تولدين اما الصناعي من اول مايحطون لج وهو الم يزيد ويزيد ويزيد ومااافي فجة بين طلقه والثانيه انا خلاااص مت مت مت لانه كان الطلق الصناعي حااااامي كان كل 3 دقايق اتجي الطلق 2 ويفج عني يادوب اخذ نفسي ب3دقايق تجي الطلقه2 النرس قامت اتقولي استنشقي الاكسجين وانا ماسكه نفسي وماصرررخ واذكر الله واختي اتذكرني ادعي لفلان وفلان هههه:hysterical: وانا استنشق الاكسجين سبحاااانك يارب جاني شعور انه خلاص لاتستنشقين اكثر لانه هذا الاكسجين يدوخ يخليج اتنامين مثل مخدر وفعلا تميت احس بالمخدر وادوخ مابين 3دقايق اخرتها ماقدرت استحمل وقمت اصررررخ الم الم الم مب طبيعي الم قاعد يزيد وانا ماقدر اخذ نفس كفاااية وكانت وحده بالغرفة 2 بعد تولد معاي كنا انتاوب بالصراخ انا اصرخ:hysterical:هي تسكت بعدين هي تصرخ:hysterical:انا اسكت هههه المهم قمت اصييييييح واترجا ختي خل يسون لي عملية قيصرية مب قادره مب قادررره وكنت خلاص بموت بموووووت من الم اتخيلوا من الساعه 12 لييييييين قريب الساعه 4 الفجر وانا 3 دقايق من طلقه ل طلقه جسمي انهههد وريلي ياااه يارجلي اتمللللني وكنت نايمه ع جنبي اليمين الا يوم قربت الساعه 4 فريت جسمي ونمت ع ظهري الا بذااااك الم والشششد تحت قلت احس بشي ثقييييييل وانا اصرخ النرس ابسرعه البست وطلعت العده ونادت الدكاترة محد جيه وانا قلت خلااااص بسوي بوووش بسوي بوش وهي اتقول لاااااااا وبسرعه نزلت مثل قطعه تحتي وطلعت العواميد ورفعت ريلي وقالت يلااااااااا بوششش وانا اضغطططط احس روحي بتطلع واضضضضغط اتقولي لااااااا ضغطييييي خواتي من ورا الباب اتقولي اختي ادفعععي اقول مايطلللع هههههههههههه الا وحده من النيرسات الله يذكرها بالخير جات قالت يافلانه اضغطي ع تحت وانا ياحضي اضغط ع فوق الحمدلله بس هاوشتني قالت يلااااا يلااا اضغطي ع تحت ترى بتخنقين ولدج يوم قالت جذي حسيت صورة ولدي عبدالرحمن يالله في بالي وانا اقول في نفسي يلاااا بفتتتتك ابي افتكك واضغط وجان النيرس اتشقني وانا اصررررررخ من قمت راسي وقالت يلااااا وطلع محمد طلع وانا خلااااص بموت من الفرحه بمووووووت جاتني هستيريا اول ماقال وااااااااااااء قلت حبيييييبي واشوفه واضحك وله اصيح كني هبلة وخواتي من وراى الباب لموا بعض ويصيحون فليم هندي هيهيهيهيهي:lol: كانت الساعه 4 الفجر بعدها بشوي اذن الفجر وكان اول من ذي الحجة 18-11-2009الحمدلله خذوا بسرعه ولدي وحطوه بالحضانه وتم بالحضانه قريب الشهر والحمدلله الحمدلله ع نعمة وفضلة الحين له 6 شهور والله يبلغني فيه حافظ للقران كااامل يارب ومعرس ويااارب الله يرزق كللل وحده واسفه ع الاطاله بس حبيت انكم اتعيشون معاي الاجواء من اول السالفة:o
:L::L::L::L::L: